У рамках трэцяга этапу рэспубліканскай акцыі «Бяспека – у кожны дом!» работнікамі раённага аддзела па надзвычайных сітуацыях праведзены размовы ў працоўных калектывах аддзела ідэалогіі, культуры і па справах моладзі Хойніцкага раённага выканаўчага камітэта і рэспубліканскага ўнітарнага прадпрыемства «Фабрыка мастацкіх вырабаў».
Выратавальнікі распавялі аб аператыўнай абстаноўцы ў рэспубліцы, вобласці і раёне, паказаўшы асноўныя прычыны ўзгаранняў. Прысутныя на выступе работнікаў раённага аддзела даведаліся пра карысць і неабходнасць аўтаномнага пажарнага апавяшчальніка, прынцыпе працы і спосабе ўстаноўкі, нагадалі аб правілах карыстання першаснымі сродкамі пажаратушэння.
Як адзначылі выратавальнікі: «Зімовы перыяд – гэта той час, калі павялічваецца колькасць пажараў у жылым фондзе. І гэта невыпадкова: вельмі часта грамадзяне не звяртаюць увагу на “нязначныя” парушэнні ў пытаннях бяспекі. Адсутнасць перадтопкавага ліста перад печчу, карыстанне самаробнымі, а падчас і няспраўнымі электапрыборамі, пакінутыя на відным месцы запалкі ў мнагадзетнай сям’і – гэтыя моманты, з пункту гледжання пэўнай часткі насельніцтва насельніцтва, “не такія ўжо і важныя парушэнні”. На жаль, статыстыка гаворыць пра іншае: часцей за ўсё менавіта “нязначныя” парушэнні і прыводзяць да значных трагедый».
Не засталіся па-за ўвагай і бяспечныя паводзіны грамадзян на лёдзе, а таксама пакіданне дзяцей адных без нагляду. У ходзе выступленняў працоўным калектывам былі прадстаўлены відэафільмы «Бяспека – у кожны дом!" і "Дзеянні пры пажары». Актывісты Беларускай маладзёжнай грамадскай арганізацыі выратавальнікаў-пажарных уручылі памяткі па пажарнай бяспецы.
