У рамках нядзелі мабільнасці 21 верасня лідарамі валанцёрскага эклагічнага атрада "Эка-лайф" прайшла акцыя "Адкажыся ад аўтамабіля". Яны выйшлі на вуліцы аграгарадка Судкова, каб прыцягнуць увагу жыхароў да праблем, якія нясе з сабой аўтатранспарт, і пытанняў забруджвання паветра. Вядома, што сучасны чалавек ніколі цалкам не адмовіцца ад аўтамабіля, але пакінуўшы яго ў гаражы нават на адзін дзень, ён унясе свой, хоць і невялікі, уклад у агульную справу. Яны нагадалі ўдзельнікам дарожнага руху, наколькі важна клапаціцца аб навакольным асяроддзі, ўручалі вадзіцелям і пешаходам інфармацыйныя лістоўкі, дзе гаварылася аб мэтах і задачах мерапрыемства, прапаноўвалі пакінуць 22 верасня свой аўтамабіль на паркоўцы і прагуляцца пешшу па свежым паветры.